புதுடில்லி: 'போக்குவரத்து விதிமீறல்கள் தொடர்பாக, புதிய மோட்டார் வாகன சட்டத்தின் கீழ் பிறப்பிக்கப்பட்டுள்ள அபராதங்களை குறைக்க, மாநில அரசுகளுக்கு அதிகாரம் இல்லை' என, மத்திய அரசு திட்டவட்டமாக கூறியுள்ளது.
இந்த அபராதத் தொகையை குறைத்து, குஜராத், கர்நாடகா, மணிப்பூர், உத்தரகாண்ட் ஆகிய மாநில அரசுகள் அறிவித்தன. இந்நிலையில், மாநில அரசுகள், அபராதத்தொகையை குறைக்கக்கூடாது என, மத்திய சாலை போக்குவரத்து மற்றும் நெடுஞ்சாலைத்துறை அமைச்சகம் திட்டவட்டமாக தெரிவித்துள்ளது.
